also in erschter Linie fendis schad wenn du ned de Kontakt zomene NOTE.Quetscher suechsch ond dir dini persönliche Froge us erschter Quelle loosch lo beantworte. Das esch scho mol die erscht roti Charte wo dir gholt hesch.

Im wiitere sind das masslosi Onderstellige wenn du behauptisch es giengi bi de Quetscher in erschter Linie ome Sound ond om d'Mitgliederzahl. Das zeigt uuf, dass du dich mit derä Thematik scho mol grad gar ned usenand gsetzt hesch. Ond wenn de no Uusdröck wie "Kopiere" is Muul nimmsch hesch dich grad so zemli disqualifiziert.

Ech hocke gärn mit dir zäme ond erlüütere dir was d'Philosophie henderäne esch. Ech be weder im Vorstand no beni irgendwo befähigt im Name vo de Quetscher Stellig z'näh. Aber mer löpfts de Huet wemmer Blick-mässig "recherchiert" ond sich de gliich au weder hinderne Groppe Lüüt ("genau so viele Leute zu kenne, die gegen dieses System sind") z'verstecke versuecht.

Wenn dich das ganze ärnschthaft wörd interessiere hättsch de diräkti Kontakt gsuecht. Das was du do machsch esch erbärmlich, phantasielos ond erzüügt bi mer eigentlich nor Mitleid för dich.

*******************

aber gliich ganz chorz en Versuech vomene Statement (mine persönlich): Quetscher esch en Zämesammlig vo Lüüt wo öber d'Fasnacht uus, no en betz Guggefeeling verspreut. Sie agiert inere Zyt wo's de Stammverein möglichscht ned setti tangiere. E Grondsatz esch, dass de Stammverein die höcher Priorität muess ha als d'Quetscher. Wenn es Mitglied vo de NOTE.Quetscher bi de Öberschniidige vo Termine metem Stammverein sini Priorität bi de Quetscher setzt esch das sis Problem ond ganz bestimmt ned i de Quetscher ehres. De Uufwand för d'Quetscher esch ufem absolute Minimum. Meischtens sind maximal zwöi Weekends wommer darf uufwände för Uuftritt. Am Sonntig vormene sone Weekend esch eifach e Gsamtprob (ond es esch de Sonntig, wells denn i de meischte Lüüt goht. Notürlich wird au do gluegt dass es ned ufene Fiirtig, sprich Muettertag usw. trifft).

En aagnähme Näbeeffekt esch s'Musikalische. Das gebi gärn zue. Aber de Fokus esch no die det druuf gse ond wirds au ned sii. Dass es ned grad absolut Schäisse tönt, het niemmer vo üüs öppis degäge.
Mer hend dazumal metemene Repertoire vo guet 6 Stöck aagfange. Mer hend de Uufwand so minimim wie irgendwie nor möglich müesse dezimiert halte. Ond das esch höt no en Grondpfiiler wo das hötige Konzept vo de NOTE.Quetscher no abstötzt. Me het d'Stöck (ond die sind damals vo drüü verschiedne Lüüt gschriebe worde) als mp3- und pdf-file zor Verfüegig gstellt. Me hend de Lüüt de Stämpel uufdröckt, dass es quasi es Must esch die Stöck deheime z'lehrä ond d'Prob dieni eifach als Fiinschliff. Wo denn die Lüüt a die allererschti Gsamtprob cho sind, sind die Stöck scho gstande. Das esch för mich wie au die andere Initiante ond för de ganz Huffe en völlig neui Situation gse: anstell vo zig-Probe zom Iieübe vo neue Stock, hend die Lüüt das Material deheim aagluegt ond sind beschtens vorbereitet erschiene.

De Hauptaspekt, resp. de Hauppfiiler vo de Philosophie vo de NOTE.Quetscher esch so verdammt simpel, dass es au dir, liebe schinke, eventuell müessti klar sii, was es bedüütet: Die Lüüt bi de NOTE.Quetscher wend eifach en super Zyt ha, met super Lüüt wo alli die gliiche Interesse hend ond zwar ehres liebschte Hobby z'fröne: Guggenmusik. Ech cha mir vorstellä, dass du us anderne Grönd inere Guugge mitmachsch, falls du öberhaupt inere Groppe vo Lüüt chasch exischtiere ond dich als Glied inere Chetti chasch iifüege.

NOTE.Quetscher isch es gränze-öberschrittens Social-Networking. Me hett Brugge i süddütschi Ruum ond is Wälschland gschlage. Ech cha ane x-beliebige Gugge-Aalass goh ond triffe de Quetscher aa. Set de Quetscher-Zyt findt mer en Basler Guugge im Bündnerland oder en Thurgauer i de Innerschwyz. Ech ha set de Quetscherzyt so vell neui ond geili Lüüt dörfe könnelehrä. Ech ha mir zuvor frömdi Fasnachtskulture dörfe könne ond schätzelehrä. Ech dänke, die Offeheit wo en Quetscher gägenöber vo andere Fasnachts-Gebare het findsch söscht fascht nieneds-wo.

********************

Also liebe schinke, nehmä gärn es Bierli mit dir. Do wirsch nüt finde wo gäge sone Sach spricht.

Ond ech möcht dir en guetgmeinte Tip, en Tip vo Härze, met ufe Wäg goh: Bitte wändt dich bimene nöchschte Mol bitte diräkt a die Beteiligte, am beschtä emmer no anes Vorstandsmitglied vo derä Organisation ond hol dir die Antworte dor das us erschter Hands. Falls das wörklich wottsch. Wenn's nor om s'domme Omesprötze ond Gaage goht well mer eifach mit sich sälber ned z'friede esch, esch mer do definitiv ufem falsche Dampfer

Nochdem de Ursprungspost glöscht worde esch, macht mine au nömm vell Senn

@mätz
herlichscht formuliert u vo me "ussestehende" zu 100% bestätiget

jetz isch mir doch grad wieder e schöni gschicht zu de note-quetscher i sinn cho...

vor öppe 3 johr isch de abtwil-schränzer (roli sorry wenn i de name vo dire gugge falsch gschriebe han) wäg re autopanne de ganzi schlag uusgfalle. de kompletti schlag vo de notequetscher ischt de spontan go ushälfe... mit em resultat dass das im roli (isch glägentlich au do, ine u tambi vo de abtwil-schränzer) so gfalle hät, dass er s'johr druf sich u sis posündli au grad bi de note-quetscher aagmäldet hät...

churz... das isch ganz e geile huffe wo für so zimmli alles z'ha isch

so habe endgültig fertig

das esch ned ganz korrekt, strudi : ech ha vom "zöri" zwöi/drüü täg vor arosa es telefon becho, wo är gseid het, dass im rolii sini guugge zwenig schläger wird ha, ond het vo sich uus gfrogt, öb mer chönntid uushälfe. ech ha das de im zappel wiitergää ond de räscht esch gschicht.

@mätz
mercie fürs richtigstelle.... me lehrt doch nie us

schinke schrieb:


...was gnau het äs üüs wöue mitteile??? dass usem schinke plötzlich es schinkli worde isch? wöu susch aube ziehnd doch nur hünd de schwanz ii...

dä schinke het au ned gnueg fleisch am chnoche

...so quasi es ameiseschänkeli
för das heschem aber rächt zuegsetzt

ha ned wellä - aber wiemer i wald rüeft tönts halt alle zrogg

Maetz schrieb:
ha ned wellä - aber wiemer i wald rüeft tönts halt alle zrogg

das metem wald esch notürli fakt...vo dem här esch äs sälber gschuld, wenns eis tätscht
aber bi so liechtgwecht darfme ned fescht tätsche.
hesch jo gseh, was passiert esch...hesches rechtig zönftig verschreckt ond mer erfahred nie meh, was äs eigentlich hed wöue säge...

Maetz schrieb:
ha ned wellä - aber wiemer i wald rüeft tönts halt alle zrogg

Has Ursprongsposting gar nömme chönne läse, aber fende dini Rechtigstellig sehr korrekt gschrebe. Aber ganz klar esch, das es Teilti Meinige öber NQ's ged. Wer Frönde hed, hed au sini Feinde. Ech fend die Sach "NQ" en geniali Idee ond ech ha aus s'Gfühl, das d Note.Quetscher es stockwiit wien es Sennbeld vo de hötige Guggemusige send. Met Positive, wie aber au Negative...

und täglich grüsst das murmeltier

Also mir gfallt bi de NQ het zwor der eint oder ander Innerschwiizer debi woni nöd müsst ha aber ebe chasch ned immer gwüne...

Wäge dier geb i jetzt ned de Ustrett. Muesch di halt ergendwie mett mer arrangiere

yep, das esch de moschtinder ned werd

hey ir zwei wen dä Thurgauer scho understützigs Hilf abüted den müender si au a neh well wer chunt do vomene Drittwält Kanton i Sache Fasnacht ir oder ir
Nai aber ich finds nett das ir mich amigs mitnemed ufd Bühni...

"Heugable, Gummistifel, Hopp Luzern"
heheheh