Hallo Leute

Ig ha hie im "alte Forum" öpis gläse gha über Airbrush Schablonematerial.
De isch öpis gschribe gsi über es "Vliespapier" oder so.... ig gloube
Mida het öpis gschribe drüber. Würd mi wunder näh was das für es Mterial isch,
chas leider nümme nacheläse.

Em und ei Frag hätti no wäge Schminke. Mir schminke üs itze z`erschte Jahr.
Mir hei süsch aube Maske gha.
Was eignet sich besser zum Schminke, Wässerigi oder Fetthaltigi schminki?

Merci für d`Infos

Salü Chnuuchti...

Jep, das han ich gschriebe gha Mir verwände für d'Schablone ganz normals Fliesspapier, also Löschpapier... settigs wiemer früehner aube ide Schuelhefter gha het, wämmer glehrt het mitem Füli schriebe... das eignet sicher bsunders guet, wills d'Farb ufsuugt und sie so wenn sie drunderlauft ned verschmiert! De einzig Nochteil isch, dass immer gnue Schablone bruchsch wills einisch vollgsoge und durum pflotsch nass sind...!

Zu dinere andere Frog...! Vergiss die Fetthaltig Schminki grad wieder, die dörftis miner Meinig gar ned geh...! Gseht a) ned schön us b) chasch mit Wasserlösliche viel präziser schminke c) bringsch die Wasserlöslich viel besser wieder ab d) isch die Wasserlöslich viel agnehmer wenn sie uf de Huut hesch e) isch die Fettlösig schlechter für d'Huut sprich verstopfter alli Pohrene, d'Huut chunnt kei Luft meh über und zu guter letzt f) es Airbrushpistöleli z'butze isch süsch scho müehsam, wenn's denn aber no mit Fettfarb vrechläbt isch... prostnägeli

Die Wasserlöslich hebt eigentlich sehr guet, chunnt aber uf de Huuttyp druff ah, je nach dem isches Sinnvoll nachem Schminke mitme Haarspray ohni Alkohol d'Farb z'fixiere, det isch aber au wieder z'bedänke, dass die gliich effekt wie bide Fettfarb uftaucht, sprich, verstopfti Pohre, kei Luft... isch aber ned eso wild...!

Schluss am Änd isch aber natürlich alles Asichtssach, meh muess ächli usprobiere was eim am beschte liit und gfallt...!

Hoffe hader dini Froge einigermasse chönne beantworte, und süsch dörfschmer gern au en PN schriebe...

Grrruuzz!

Hey Mida Merci viel mal für die Infos.

Itze probiere mir die Sache grad emal us.
Löschpapier us Schablonematerial cooool so eifach, muess me zersch no drufcho!

Mir si äbe o em überlege Airbrush oder Schminki.

Aber ig gloube prislech........isch Airbrush..

Ig mälde mi de wider wis usecho isch bi üsere probeschminke.

E guete

Also mir mached beides... während de Vorfasnacht duet sich jede sälber Farb is Gsicht schmiere, und während de eigentliche Fasnacht dömer brushe...! Priislich fahrsch mitem brushe wahrschinlich scho chli billiger, e grosse Underschiid wirds aber ned mache...!

Hmmm Ig ha mi mau übere Mittag schlau gmacht was so Airbrushkompressore
schlüch und d`Pischtole choschte.
Und Prislech hautet sich das no i Gränze.

Em was heit dir für e Komprässer heit dir e stink normale "Hobykomprässer"
oder e spetzielle "Airbrushkomprässer"?

Und bi de Pischtole ha ig gseh das "d`Vega 2000" ,oder wie die heisst,
die Pischtole isch wo am meischte brucht wird. Heit dir o die oder hesch e Andere Tipp?

Und bi de Farbe bi ig uf Kryolan cho.

puuuu üser Lütlis müesse mir de es paar Bier zahle für die Abklährige.

Wüll die wo so e groosi hei gha, wos angäblech wüsse wie und so witer,
Mir chöi das locker und,und,und....
Die hei de Huet gnoh wos uscho isch das sie gar nüt devo verstöh.

De ha ig ie Sach id Hand gnoh und bi haut froh um jedi Uskunft.

nei nei chasch ganz normali Kompressore neh... Mir händ jetzt allerdings euses neue Lokal imne alte Fabrikgebäude wos en zentrali Druckluftalaag mit Aschlüss i allne Rüüm het...! Vega 2000 isch guet... mir händ underanderem aber au no anderi, chli tüüreri, frogmi abeer ned wie die heisset... Bide Farb chasch eigendtlich nöd viel falsch mache, det isch de Priis und d'Bezugsmöglichkeite fascht wichtiger... mir händ bis jetzt glaub au Kryolan gha (duemi aber ned druff fescht nagle) jetzt da Johr nähmer, Jetser aber au nur will mer uf die es Sponsoring bechömed...

wo überchunsch die Farb "Jetser"

Wäg däm Agebot wo du mir im PM schribe hesch chume de no druf zrügg. Mreci viel mal

Ouu schriebfähler... Sie heisst Jester, sorry...! Mir chönnd sie öber d'Dorfdrogerie bezieh, wiemer süsch dranane chunnt weissi ned...

AAAAA Jester ja die ha ig gfunde

em Mida gibe de no Antwort uf z`PM aber öppis funzt nid so wie ig wetti
"scheisscompi"

JUBELJUBELJUBELJUBEL es het funktionaglet, frag nid wie es isch eifach gange.

@Chnuuschti

met Pensel, Farb und chli Fantasie so chonsch au zum Ziel

Ja guet das mit Fantasie und Pinsel.... so wit bi ig o scho cho

Aber weli Produck! em es isch no schwirig mir hei drum es paar Mitglieder
wo sehr empfintlichi Hut hei und ig sueche o öppis wo geit für die.

Hmm wie gseht das eigentlich us wenn me duet e grundierig ufträge?

Weis da öpper meh? Oder isch das grad überflüssig

chunnt chli druff ah, was wetsch schminke...! Grundlegend nötig ischs Grundiere ned...! Hesch aber z.B. e grossi Flächi gäl, würkt d'Farb, wenn zerscht mit wiis Grundiert hesch chräftiger! Ich rede jetzt aber vom brushe... wenn mit Farb und Pinsel (bzw. Schwämmli) duesch schminke isches gar ned nötig.... Wäge dim Standpunkt, mit de empfindliche Huut chader säge, das mini Gsichtshuut au ned grad robust isch, und ich han weniger müeh, wenn ich mich mit Pinsel due schminke als weni brushet wird... hesch so natürlich en einiges weniger dicki Farbschicht druff...

Merci viel Mal für die Infos!

Mir Hei grad es paar Opfer gfunde, wo sich lö la Probeschminke.
Ig ha nid mal müesse nachehälfe

Wird sicher e luschtigi Sach am Wucheändi.

Guet isch Moooorge

Hallo Leute

So itze hei mir üsi Teschtreie düre und hei o scho bi Uftritte
Airbrushet. Gseht eifach huere guet us.

D`Mehrheit vo üs het e Hut wo überhoubt keis Problehm macht.
Aber mir hei o es paari wo bi gwüssne Farbe grossi Problehm hei gha.

Mir hei du e Lösig gfunde wo aui zäme keis oder extrem wehni Problehm hei.

Die wo empfintlichi Hut hei isch es empfählenswärt e Theatergrundierig
ufträge und de chasch ohni witers Airbrushe.

Bi de Airbrushfarb si mir uf Kryolan cho.
Extrem usgibig und sehr guet verträglech.

Was wichtig isch bim Airbrushe ja nid über 2 Bar gah. ja drunder blibe
1.5 bis höchstens 2.0 Bar isch am beschte.
Bi de Airbrush Pischtole d`4 er oder d`Füfer Düsesatz bruche geit am beschte.
D`Farb duet besser vernäble. Wenn d`Farb z`Dick isch ja nid mit wasser
verdünne d`Deckig isch nümm so guet.
Am beschte geit die verdünnig wo Kryolan säuber het.

Bim Fixspray ha ig gmerkt da isch de Unterschid extrem.
Mir hei chli aues usprobier Haarspray, Puder oder Fixspray.

Nach langem hin und här und usprobiere, hei mir de e Fixspray gfunde wo
für alli guet isch.
es isch de Dermacolor Fixierspray, guet o dä isch nid agnähm bim
ufträge. Aber d`Lüt hei bi däm Spray wenn är Troche isch am
wenigschte mühe. Und was wichtig isch du bruchsch sehr wenig Material.
Und d`Farb het o bi Lüt wo starch düe schwitze.

Was mir bi Lüt mo mache wo starch schwitze, bim Airbrushe zwüsche de
Farbe Fixspay ufträge.
So verloft dir nid grad d`Farb vorewäg.

z`Coole isch bim Abschminke Wasser und Seife und scho isch es guet.

Bi de Schablone hei mir uf Kartontäller und Löschblatt gsetzt.
geit sehr ring zum härschtelle.

Mi nähmti no wunder wie machet dir das, was bruchet Dir?
Was heit dir für erfahrige gmacht.

...joooo merci du. aber trotzdem - ech ha entschede, mech nöm z schmenke. ech stoh zo mim alter
...sorry - esch chli en onqualivizerte biitrag gsii
aber wohr