Griezi zämme......

Wenn alles einigermasse guet goht, denn händ mir vor, mol dr Urknall mit z´erläbe....

Wär cha uns Tip´s gäh, wo "me" ahnegoht vom Mittwuch z´Nacht uf Dunnschtig am morge???

So e richtig gmietlichi Beiz wo me dr eint oder ander bekannti trifft????



Wo goht me am beschte für dr Urknall ahne???

Für e paar gueti Aaregige, dass e Bebbi das richtig cha gniesse, bini Euch rächt härzlig danggbar....

hoi

Am Mettwoch uf de donschtig esch glaub emmer de träumeler ball en äbike wo mer nochhär direkt uf lozär a urknall cha. ond am urknall secher am chappelplatz ond halt eifach i de altstadt die esch jo ned so riesig do lauft öberall öpis.

Dany2 schrieb:
Wär cha uns Tip´s gäh, wo "me" ahnegoht vom Mittwuch z´Nacht uf Dunnschtig am morge???

Wo goht me am beschte für dr Urknall ahne???


Grüessti Dany2

Auso, am Mettwoch chöntisch metere schöne Luzärner Tradition Starte: Gugger-Baum stelle of em Rothuusplatz (ca. 19.30) Det treffsch bestemmt es paar Lüütlis a wo kensch ond chasch di den secher nöimet aaschliesse för e räscht vom Obe.

Ech wörd am Urknall of e Chapellplatz

Vell Spass

du meinsch de "chapellplatz"?

zoom schrieb:
du meinsch de "chapellplatz"?

Jeppp Danke

osser de träumeler-ball gehts nüd wo d'nacht döre offe hed. beize hend alli zue, so vell ech weiss. früehner semmer amigs no is cecile-pub oder ufs scheff go döremache. das send no ziite gsi! *schwärm*

velli musige organisiered au sälber öpis, zb. en bar oder be öperem privat zum döremache.

Virgin schrieb:
zoom schrieb:
du meinsch de "chapellplatz"?

Jeppp Danke

nix problem. gern gmacht.

es gid sust au i de wiitere umgäbig vo lozärn bäll am mittwoch abig wos de axträzüg/-bus a tagwach gid, z.b. Schlierbach und Baar. evtl. au z'Sarnä

Ech glaube so das dörre mache wie mer das vo früener könnid god bi de Musige scho betz verlore??
Üses Gröppli werd au emmer chliiner

vorderpneu schrieb:
z.b. Schlierbach

...das isch aber scho zimmli im seich usse

aber wenigstens bietets en gratis car für a d'tagwach a

jääää - das stemmt notüürli.
be aber scho mol versompft det obe, ohni denn de car z näh

vorderpneu schrieb:
es gid sust au i de wiitere umgäbig vo lozärn bäll am mittwoch abig wos de axträzüg/-bus a tagwach gid, z.b. Schlierbach und Baar. evtl. au z'Sarnä

Sehr guet....

an Sarne ha i vo letscht Johr no so ganz verschwummeni Erinnerige....

Aber ich gang mol dervo us, dass es irgendwo in däm verträumte Städtli scho no öbbis git, wo me sy cha und e Zwätschge, oder au zwei sürpfle, bis es 5-i isch......

Träumeler-Ball Äbike 10.02.2010 (Infos unter www.traeumeler.ch)

Wie jedes Jahr am Mittwoch vor dem Schmutzigen Donnerstag DIE ULTIMATIVE PARTY im Pfarreiheim Ebikon.

DIE PARTY, für alle die schon einen Abend früher mit der Fasnacht beginnen wollen.
Um 4.00 Uhr direkt an die Tagwache nach Luzern!
Nebst den Guuggenmusigen sorgt auch ein DJ in der Halle für eine unvergessliche Party. In der Kafistobe sorgt eine urchige Livemusik für gute Stimmung.

Vorverkauf:
Tickets gibts ab sofort in der Bäckerei Habermacher und im Kouni Reisebüro in Ebikon, sowie im Wembley-Pub in Luzern

Guggemusige:
Sonnechöbler, Äbike
Neuechöbler, Neuechöuch
Rüsselgugge, Müllheim TG
Schlitzäugler, Dierike
Escheschränzer, Eschebach
Säulischränzer, Eibu
Bärg-Wörze, Uedlige

s pinochio ( inofiziell stambeiz vor lozärner guggerszene )macht doch alle durchgehend uf i d nacht vom mitwoch uf d donnstig.(ussert das isch nömm so ? )

und sonst natüürlich träumeler ball..( esch aber kei altherrefasnacht )...

@dany
geb doch eifach mol bscheid wenn doo besch.

tk nimmsch morn en huere aff under de egg für mi... bi nid omme

auso de träumeler ball esch emmer e sechere wärt, gueti stemmig und gueti musige. vorher no as guggerbaum stelle und de z'äbike durefäschte bes am morge am 4i, de direkt uf di 5i a urknall ufem kappelplatz... drü, zwöi, eis, fasnacht!!! do chond de fötzelirääge